Plenty sins wey governor Umo don do for Akwa Ibom State

By Emmanuel Nicholas

Governor Umo Eno na true sinner becos e no gree carry pride; instead e dey humble. E be sinner like that publican, because e bring politics wey dey include everybody and e commot politics wey dey full of bitter.

Yes o, Governor Umo Eno na sinner wey nobody suppose reason, because e dey build one united Akwa Ibom wey politics no go dey use as border again for how government dey run. Instead, e dey tell all Akwa Ibom people, “Come, make we build together.”

These people dey mad well-well for Governor Umo Eno; dem talk say na the worst sinner, pass Judas Iscariot wet betrayed Jesus, because e no gree do tribal politics, where power and development na only for Ibibio and other tribes dey scatter.

Dem dey shout say Governor Umo Eno na bad sinner because e no gree borrow money to share with politicians; instead e don repay domestic loans wey e find and e don pay 75 billion naira for gratuities wey dem owe pensioners, money wey suppose don drop for the big politicians.

People vex because Governor Umo Eno no dey give political contracts anyhow, no dey release money to politicians and then make project, dey abandoned.

Yes o, Governor Umo Eno na gbege sinner: how e go build 301 houses for poor people and even put solar-powered water system finish, when that money suppose buy big cars for political stakeholders?

How person fit sin like that? Governor Umo Eno na bad sinner, why e no go take Senate President dey see as enemy and fight am make e no return to go Senate for third term,e-come the Paddy Paddy with am?

Governor Umo Eno na sinner, why e go complete Ibom Tropicana Conference Centre? E for allow the place waste make dem continue dey use that abandoned project dey shame Akpabio uh uh uh like cat why enter red oil.

The Governor na oga of sinners, by now e fit don start gbege direct with Deacon Udom Emmanuel, scatter am politically, and maybe make EFCC carry am go jail.

You never even hear everything. Pastor Umo Eno suppose dey under watch because im sins pass Zacchaeus, the one wey Jesus chop with before. Governor Umo no gree dey adopt other people enemies, nor e create new enemies; instead e dey build bridge and dey make peace for all Akwa Ibom.

Governor Umo Eno sins plenty oooo: how e take empower over 15,000 Akwa Ibom small businesses with more than 20 billion naira? Why e wan make, everybody get money? E wan make middle class show face and compete with the elite, what kind sinful, governor be dis?

Governor Umo Eno na criminal: e lift many poor people comot poverty and e connect the state to the centre.

From there, Ibom Deep Sea Port and other big projects go land for Akwa Ibom State. Na one of im biggest sins wey dem no suppose forgive; even if Pope come give am chance to confess, we go still crucify am for that kind gbege.

Umo Eno E still be sinner because e put education and health first, insist make schools better and primary healthcare centers dey work. Instead of using those things to do political patronage, e insist say dem suppose serve ordinary people—na unforgivable thing for those wey dey benefit from neglect.

E be sinner because e dey promote merit-based appointments and fair recruitment, e no dey allow jobs and chances to dey share according to tribe. By insisting on competence and fairness, e vex those wey dey expect favoritism and influence peddling.

Finally, e be sinner because e dey push transparency and accountability for government. By making budgets and projects open and by resisting the way public funds dey divert, e deny plenty people the corrupt benefit wey dem dey enjoy before—and for that, dem call am enemy of the people.

You see why Umo Eno, na big time sinner?